تفتكروا ممكن نتقاش و نختلف و كل واحد يحترم رأي التانـي

السلام عليكم و رحمة الله و بركاتــه




حرية الرأي مطلوبة بس لما تتعارض مع حرية الآخرين هنعمل إيه ..







من الطبيعي عند طرح موضوع للنقاش أن يكون هناك الرأي و الرأي الآخر .. و بردوا طبيعي جدا أننا ننقسم لفريق بس بقي الى مش طبيعي و عايزين نتكلم فيه ليه لما بنختلف مش بنحترم وجهة نظر الآخر و ليه بنتحول لأعداء و ليه بنتهم بعض في بعض المراحل بالنفاق و الانحياز للرأي و طالما مش اتفقت معايا تبقي ضدي ...




طيب تعالوا كدا الأول نتكلم عن :





يا تري النقاش حاله سلبية و لا ايجابية ...




اختلاف وجهات النظر في النقاش مش حالة سلبية بالعكس دا شئ ايجابي جدا و لازمة لأي نقاش بس المشكلة إن البعض بيستفيد و البعض بيقف مكتوف الأيدي يتفرج على الصراع و النهاية تشتت البعض ...





رأي المرء مرآة نفسه ...




قال علي رضي الله عنه و أرضاه " اللسان ترجمان الجنان "




الرأي دايما بيعكس ثقافة الإنسان و عقليته و نفسيته





أسس و قواعد الحــوار البناء ...




1- يجب مراعاة آداب الحوار كالاستماع و الإصغاء إلي للأكبر سناً و أكثر خبرة ..



2- الالتزام بالموضوعية و الديموقراطية في النقاش بعيد عن التطرف و التحيز خصوصاً أن أعمار أطراف الحوار متفاوتة ...



3- يجب عدم الاستهزاء و الاستخفاف بين المتحاورين هذكركم " و لا يسخر قومٍ من قوم "





و لكم في رسول الله أسوة حسنة ...





" و جادلهم بالتي هي أحسن " الرسول صلي الله عليه و سلم تعامل مع قريش و غيرهم و ما أحلمهُ طبعاً انتوا عارفين اتهموه مجنون و شاعر و .... الخ ،، و بردوا نزلت الآيه " و لو كنت فظاُ غليظ القلب لانفضوا من حولك " دليل على رشده و حلمه ..