السلام عليكم ورحمة الله وبركاته
بسم الله الرحمن الرحيم
اما بعد
اخواتى واخوانى فى الله
انا كتبت الموضوع ده علشان خلاص مش باقى كتير على رمضان لا ده احنا خلاص بقينا فى رمضان ........ واحنا محتاجين افكار كتيرة جدا علشان نستغل رمضان بجد ويكون احلى رمضان عدى علينا
المهم وانا بفكر طيب احنا ممكن نعمل ايه وتكون حاجة ايجابية ومفيدة
لقيت ان فكرة اننا نعمل شنطة رمضان
الفكرة جميلة جدا وثوابها عظيم
انا عملتها انا واصحابى فعلا رمضان اللى فات وفعلا نجحت بشكل انا مكنتش متصوراه لدرجة اننا عملنا ولله الحمد 6 شنط اسبوعيا
المهم هتقولولى عملتيها ازاى ؟؟؟؟
اول حاجة لازم يكون غفيه نية
واننا بجد عايزين نعمل حاجة بجد علشان ربنا يسهلها
تانى حاجة لازم يكون فى جدية
انا عملتها انا و9 بنات اصحابى
يعنى كنا 10 .
كل واحدة ضافت مبلغ من معاها ومن اهلها واللى تعرفهم
وقلنا لاصحابنا فى الكلية وجيرانا
وكمان عملنا حملة تبرع فى المسجد اللى كنا بنصلى فيه التراويح
واتفقنا مع امام المسجد اننا هنجمع التبرعات دى علشان نعمل شنطة رمضان
احضرنا الظروف الصغيرة بتاع كروت الهدايا من اى مكتبة واديناها للناس اللى معانا فى المسجد او اى حد عايز يشارك منعا للاحراج
علشان اللى هيحط جنية زى اللى هيحط 10
كل واحد ومقدرته
اتكلمت عن شنطة رمضان وبتكلم ومقولتش لسة ايه شنطة رمضان دى واتعملت ليه ؟؟؟؟
اول حاجة احنا عملناها ليه وهنعملها تانى علشان بجد فى ناس فقيرة كتير وغالبا موائد الرحمن حاليا لاتفى بالغرض حيث هناك بعض الناس التى
تخجل من الخروج الى موائد الرحمن
*#*# *#*#محتويات شنطة رمضان
2 كيلو ارز
2 كيلو سكر
2 كيس مكرونة
كيلو فول
كيلو تمر
علبة سمن
زجاجة زيت
تكلفة الشنطة الواحدة تقريبا 40 جنيه 
بالكتير اوى ..
قال تعالى :
((وأنفقوا مما رزقناكم من قبل أن يأتى احدكم الموت فيقول ربى لولا أخرتنى الى أجل قريب فأصدق واكن من الصالحين ))
صدق الله العظيم
العلماء بيقولوا ان اكتر حاجة هنندم عليها لما نموت عدم الانفاق
انا عملت لنفسى فى الدنيا كذا وحوشت كذا وكذا بس عملت ايه علشان لما اقابل ربنا ؟؟؟؟
رمضان فرصة بجد يا جماعة ..
... قال صلى الله عليه وسلم ((ان الصدقة تطفىء غضب الرب ,كما تطفىء الماء النار))
صدق رسول الله صلى الله عليه وسلم
حديث اخر :
قال صلى الله عليه وسلم :
((أطفئوا نار خطاياكم بالصدقة ))
واخر:
((لا يجتمع الشح والايمان فى قلب واحد))
واخر:
((الصدقة برهان على صدق الايمان ))
واخر واخير :
كان رسول الله صلى الله عليه وسلم يتحدث لاسماء فقال ((ياأسماء أنفقى ولا تحصى فيحصى الله عليكى ))
صدق رسول الله صلى الله عليه وسلم
انفقوا ولا تحصوا انت اديت لربنا قد ايه
طيب الميزانية مكفية
لا ده كدة كفاية على ربنا
انت الخسران ........ ربنا يحصى عليك
متخيل دى ؟؟؟؟
خلى الخير كتير ....وبالله انت الكسبان
بجد ربنا يخيليكوا عايزة نية وعزيمة واهتمام
مفيش فرصة احسن من شهر رمضان نعمل فيه حاجة زى دى
الموضوع مفتوح للاعضاء لاى حد عنده فكرة ممكن نعملها فى رمضان
وعايزة كل أخ وأخت كريمة تبقى معانا ..
يعنى نحاول نعملها احنا واصحابنا ..اخواتنا ..قرايبنا .والجيران
واى حد عارفين انه ممكن يساعدنا
انا حطيت المشروع ادامكم وان شاء الله كل واحد مننا يدخل ويقولنا هوه عمل ايه ومع كم شخص وازاى وعمل عدد اد ايه من الشنط
هنستنى كل واحد فينا يقول بعدكل اسبوع ايه الانجازات الى عملها
عايزة همة ونشاط ....
رمضان فرصة متتعوضش
((فاستبقوا الخيراتـــــــــــــ ))
انتظر التفاعل والمشاركة
وان شاء الله
بعد ان ننتهى من توزيع الشنط لمن يستحقوها
كل واحد يدخل ويقول الانجازات التى تحققت من خلال المشروع
جزاكم الله كل الخيـــــــــــر
عايزة عزيمة ونية
اعملوا فسيرى الله عملكم ورسوله والمؤمنون
السلام عليكم ورحمة الله وبركاته
احبكم فى الله
تنبيه صغير ::
المسابقة دى عملناها علشان نشوف الخير بينا اد ايه والنشاط والعزيمة عندنا ازاى وخصوصا فى رمضان........
الجوايـــــــــــــــــــز هتكون ....((أوسمة باسماء الفائزين فى المسابقة ))
عايزين نشاط
ممنوع الكسل
ورونا الهمة وربنا معانا ........
انتظر المشاركات واخر الاخبار من الاعضاء الكريمة
جزاكم الله خيرا
