اليوميةمكتبة الصورس .و .جالبوابةبحـثالتسجيلالأعضاءالمجموعاتدخولالرئيسية

شاطر | 
 

 حملة تواضع ......... و مشروع جبااااااااااااااااااااار

اذهب الى الأسفل 
كاتب الموضوعرسالة
Fighter for Islam
مشرفة الركن الدعوى
مشرفة الركن الدعوى
avatar

انثى
عدد الرسائل : 224
العمر : 25
البلد : Egypt
تاريخ التسجيل : 14/07/2007

مُساهمةموضوع: حملة تواضع ......... و مشروع جبااااااااااااااااااااار   الأحد أغسطس 26, 2007 1:45 am

ccc
basmala
عمرك في يوم لبست جلبيه مقطعه ومشيت في الشارع وشوفت نظرة الناس ليك عامله ازاي ..
وحسيت بمدى الذل اللي الناس دي حاسه بيه ...
طب بلاش دي ....
عمرك في يوم اشتغلت شغلانه قلليله قوي ... مع احترامي لكل العمل الشريف ...
بس جربتها في يوم ... روحت الشركه اللي انت بتشتغل فيها ... وجربت انك تلبس لبس عامل النضافه اللي عندكم ... او جربتي انك تلبسي لبس الداده اللي عندك ... وتجربوا تشتغلوا يوم واحد بس بدالهم ... وتشوفوا فعلا الناس دي بتتعامل ازاي .... جربتوا نظره الناس ليكم ... مابين اهانه ومابين نظره النكره ... ومابين نبره السلطه والكبرياء ... حسيتوا باحساسهم .... حسيتوا بمدى الانكسار اللي هما فيه ... حسيتوا بشعور الذل اللي هما عايشينه ...
انا عارفه ان الاجابه ... لا ...
بس تعالوا ... نشوف قلوبنا ... وننظر في اعماق نفوسنا ... ونسأل ... هو احنا متكبرين فعلا ؟؟؟
يمكن الاجابه تكون لا .... بس هو انت متاكد بانك مش كده ؟؟؟
اقولك ...
فاكر يوم مااشتريت بدله جديده ... وخارج بيها بقى في الشارع ... ويعني يا...ارض اتهدي ماعليكي قدي .... انت مش كده ... طيب ايه رايك لما كان في وحد ماشي جنبك شايل شوال كبير وعشان الشوال تقيل عليه قوي ياعيني خبطك في دراعك من غير ماياخد باله ... روحت انت بصيت على كم البدله لاقيته اتوسخ ... قعدت تنضف فيه وانت بتشتم الغبي الاعمى اللي عمل فيك كده ....بالرغم من انه اعتذرلك ... صح ... كبر ده ولا مش كبر ...
في حين ان نفس الموقف حصلك بس وانت لابس لبس مش جديد ... ولا كأن حصل حاجه ...
فاكره يوم ماشدتي مع ماما في الكلام ... وراحت زعلت منك ... وقعدتي تلات ايام مخاصماها ..
اه انتي اللي مخصماها عشان قالتلك كذا او كذا ... بالرغم من انك غلطانه ...بس هي عشان غلطت فيكي .... وعشان انتي مستكبره تروحي تتاسفي ليها مارضتيش تصالحيها ...
كبر ولا مش كبر ...
فاكره يوم ماروحتوا تصلوا التراويح ... بس مافيش مكان ... فامكنش في غير الشارع تصلوا فيه ..او على السلم .. والسلم كان كله تراب .... روحت فرشت منديل قدام مكان سجودك عشان لما تسجد ..... يااااااااااه للدرجه دي مش هاين عليك جبهتك تتحط في الارض او في التراب لله ..
انا عارفه انك ماتقصدش كده .... بس فين ... فين الاحساس بالذل والانكسار لله ..
عايزين نحس بيها .... عايزين نكسر حته الكبر اللي جوانا .... عايزين نذل وننكسرلله ...
طب ايه مشروعنا ....
هنلبس جلبيه مقطعه ونمشي في الشارع !!!!!!!!!!!! !
لا ..طبعا ...
انا بقول نذل لله ... وننكسر ونتواضع لله ...
طب ايه المشروع ... ايه هو المشروع اللي هيكسر الكبر اللي جوانا ... وهيحسسنا بالذل والانكسار لله سبحانه وتعالى .........
مشروع جاااااااااااامد جدا ....
واللي هينفذه فعلا .... هيبقى فعلا صدق مع الله ....
لأنه مشروع سهل في تنفيذه جدا ..... لكنه صعب على النفس جدا ..جدا ... ولو عملته فعلا هتبقى اتحديت نفسك بجد ... وانتصرت عليها ...
مشروعنا قام بيه قبلنا ... الشيخ الشعراوي رحمه الله ...
مشروعنا هو ... تنظيف دورات مياه بيوت الله ..... الحمامات ... ايوه ... الــ W.Cحضرتك
مستغربين ليه .... مش دي بيوت الله ... والمفروض ان الله احب اليك من نفسك ...
ودي مش بيوت الله .... يعني المفروض كمان تكون احب اليك من بيتك .. طب انت مش بتحب تنضف حمام بيتك اعزكم الله ...
طب هانفذه ازاي ....
ابدا ببساطه شديده ... وانت رايح اي مشوار عدي على البقاله اللي جنبك ... واشتري كيس مسحوق غسيل ولفه سلك مواعين .... بس
وتوكل على الله ... وروح للمسجد ... وابدتي بقى حمله التنظيف ...
وربنا يتقبل ...
طب المواعيد ... اغلب المساجد بتبقى مقفوله في غير مواعيد الصلاة ...
طب سهله قوي ... هنروح قبل الاذان بحوالي خمس عشر دقايق ... وتروح كانك هتصلى ..
هيكون مفتوح ان شاء الله ... وابد ا علطول ان شاء الله ... عارفه هياخد منك وقت ... مش مشكله حاول تنجر بسرعه قبل الاقامة ...
او ممكن بالنسبه للرمضان روح قبل صلاة العشاء بوقت كبير ... هو المسجد بيبقى مفتوح مابين المغرب والعشاء ... افطر بسرعه وكت على المسجد ...
اشمعنى المشروع ده ...
لأن المشروع ده الوحيد ... اللي متهيألي مش هيكون فيه حتى رياء ... ازاي يعني ...
لأن الناس اللي داخله المسجد مش هتاخد بالها منك اساسا ... هيفتكروك عامل المسجد ...
فنيتك ... هتكون بينك وبين الله ...
افتكر ذنوبك وجدد التوبه و جدد النيه وتوكل على الله ...
انوي انك عايز تكسر نفسك ... وتذل نفسك لله ...
انوي كمان انك عايز تنضف الحمام ... عشان تاخد ثواب ( النضافه من الايمان ) وثواب ( اماطة الاذى )
وثواب انه بيت الله ... وهو احب اليك من تنضيف حمام بيتك ...
عارفه انه صعب على نفسك قوي .... بس افتكر انه ده بيت الله ...
وبعد ماتخلص صلى ركعتين .. احمد الله انه قدرك على نفسك وتوب اليه ... واقوله يارب تقبل هذا العمل خالصا لوجهك الكريم ...
ومش هاكلم على الثواب .... انا عارفه ان المشروع صعب ومن صعوبته باين جزاءه اكيد هيكون عامل ازاي ....
مشروع جبار مش كده ..... وخلى بالك قولنا جبار لأنك كده بتجبر بخاطر بيت الله ...
والثواب اكيد برضه هيكون جبار ... والجباربإذن الله هيجبر بخاطرك ...
يلا هنبدأ ...
المساجد كتير قوي ...... والشغل كتير قوي ... والثواب كبيييييييييييييييييير قوي .
جزاكم الله خيرا
منقووووووووووووووووول
wafakakom
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr:yasmeen
مشرفة الركن الطبى
مشرفة الركن الطبى
avatar

انثى
عدد الرسائل : 259
العمر : 30
البلد : مصر
تاريخ التسجيل : 03/07/2007

مُساهمةموضوع: رد: حملة تواضع ......... و مشروع جبااااااااااااااااااااار   الأحد أغسطس 26, 2007 2:52 am

جزاكى الله خيرا اختى فى الله


الموضوع جميل جدا
ربنا يعيننا على طاعته يارب وشكره وحسن عبادته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نور الرحمن

avatar

انثى
عدد الرسائل : 367
العمر : 26
البلد : algeria
تاريخ التسجيل : 14/07/2007

مُساهمةموضوع: رد: حملة تواضع ......... و مشروع جبااااااااااااااااااااار   الإثنين أغسطس 27, 2007 3:31 pm

السلام عليكم ورحمة الله تعالى وبركاته
جزاك الله كل خير موضوع رائع فعلا
ويارب يقدرنا على فعل الخيرات يارب
وأرجو منك أختي الغالية أن تعطينا إقتراحات أكثر لكي نستطيع فعل أشياء كثيرة وليس في المساجد فقط
أختك في الله نور الرحمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Fighter for Islam
مشرفة الركن الدعوى
مشرفة الركن الدعوى
avatar

انثى
عدد الرسائل : 224
العمر : 25
البلد : Egypt
تاريخ التسجيل : 14/07/2007

مُساهمةموضوع: رد: حملة تواضع ......... و مشروع جبااااااااااااااااااااار   الإثنين أغسطس 27, 2007 10:28 pm

السلام عليكم
و جزاك خيرا أختى "نور الرحمن"
و إن شاء الله أختى سأفكر فى أشياء أخرى لنقوم بها فى شهر رمضان المبارك

_________________
اللهم أهدي أخوتي في الأسلام اللهم أهدينا إلي صراطك المستقيم اللهم أهدي اليهود والنصارى وملة الشيعة إلي صراطك المستقيم الله أهديهم فإنهم لايعلمون اللهم أهديهم بعد أن اضلهم الضالون المكذبون

تزود من التقوى فإنـــــك لا تدرى ... إذا جن ليـــل هل تعيش إلى الفــــــجر ...
فكم من صحيح مات من غير علة ... وكم من سقيم عاش حينا من الدهر ...
وكــــم من فتى أمســــى وأصبــح ضاحكــــا ... و أكفـانه تنسج ولا يــــدرى ...
ومن عـــاش ألفـــا و ألفين فإنـــه ... لابد من يوم يسير إلى القبر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
m.a.y

avatar

انثى
عدد الرسائل : 154
العمر : 26
البلد : فلسطين
تاريخ التسجيل : 04/07/2007

مُساهمةموضوع: رد: حملة تواضع ......... و مشروع جبااااااااااااااااااااار   الثلاثاء أغسطس 28, 2007 8:45 am

بارك الله فيكي
الكلام مؤثؤ فعلا
ربنا يقدرنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
عمرو حجازى
عمرو حجازى
avatar

ذكر
عدد الرسائل : 596
العمر : 29
البلد : مصر
تاريخ التسجيل : 02/07/2007

مُساهمةموضوع: رد: حملة تواضع ......... و مشروع جبااااااااااااااااااااار   الأربعاء سبتمبر 12, 2007 1:24 am

بارك الله فيكى على الموضوع المفيد حقا اختى الكريمة و احب ان اقول ان هناك مشروع يسمى شنطة رمضان ارجوا ان تشاركوا فية فتأخذوا ثواب عظيم بارك الله فيكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://islamic-youth.myfreeboard.net
 
حملة تواضع ......... و مشروع جبااااااااااااااااااااار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Al-Resala :: ألركن الدعوى :: مجاهدة النفس ودعوة شباب المسلمين-
انتقل الى: